![](https://blogger.googleusercontent.com/img/b/R29vZ2xl/AVvXsEgCYhwu-F4SwDBk5cTNEKG0V_2Z0gospYzm4PORcSXgUamwqmbZSIET8CGGEy7PEZ9t338h9YQEz4SmqhZZdFG-BFFfK2s4ANJPAhZ94mUopYpjXYbw1p-Mva5CnHle9g5f69sJnCY-SsYY/s320/espora.jpg)
L'equipu uvieín presentábase'l sábadu en Piarnu col Campionatu en bolsu, pero con series duldes por delles baxes d'última hora que fixenon temer pola imbatibilidá d'Espor[a]. La xornada arrincaba cona incomparecencia del equipu local d'Asturliriu, dándo-yos matemáticamente la segunda plaza a Quirinal Liriu Espor. Depués de les primeres carreres, Espor d'Asturies cadecía de les ausencies de les/os compañeres/os, que nun pudienon acudir a la cita y asina los 4 convocaos, Luis Carlos, Sergio, Carlos y Xuacu tuvienon que sudar, pesie al mal tiempu, pa llegar a la última carrera igualaos a 81 puntos. Foi entós cuando Sergio tuvo de mandar del so "liriucentrismu" pa ganar in extremis la última carrera y asina finar esti gloriosu añu ensin conocer la derrota. D'esti mou dábase por concluyíu'l I Campionatu Asturianu de Liriu nel qu'Espor[a] algamó la primer plaza con 12 puntos de 12 posibles.
![](https://blogger.googleusercontent.com/img/b/R29vZ2xl/AVvXsEit6_hefiVNi7VH-dOb84wvIrdOYga8xcumwXZagLnfdph6kmEFV0aFhO594NZImI9dxGEG-oS4YwdF_kebtz07EPrawT0gzIMBcU-nIP-Sku9S4yVJVdS8u3aXrDvduD8eyADcpSEBx0fU/s320/dsc_0968+%28Modificada+en+Editor+d%27im%C3%A1xenes+GIMP%29.jpg)
Pero la cita col liriu continuaba'l domingu cona III Copa Cantábrica de Liriu, esta vez na pista de Piedrasblancas (Castrillón), por motivos meteorolóxicos. D'Espor d'Asturies, Lucía, Luis, Sergio, Carlos y Xuacu sedríen los convocaos pola Selección Asturiana p'aventar los lirios na llucha pola III Copa Cantábrica de Liriu, y nun defraudaron, aportando'l so bon facer machorrador pa qu'Asturies consiguiera derrotar a Galiza por 31 puntos a 25 y alzar l'ansiáu troféu per primer vegada nos sos tres años de lleenda.
![](https://blogger.googleusercontent.com/img/b/R29vZ2xl/AVvXsEi1i-yCBuHixiPqhJcZdVkznFS3U5Jgq-zBcrOStpXN4QAJceNDKEJnXS9rxWkMAOvdaOTnJTWRMuRsLkgh_-FJn_h3T3KhkLcm56Dtn8gWokNfPFwy-hy8_fpLG5MpjEHgwFlSUEt4jS9I/s320/dsc_0953+%28Modificada+en+Editor+d%27im%C3%A1xenes+GIMP%29.jpg)
Pero depués de ganar la Copa y de la xinta en Casa Orosia (Las Bárzanas), los esporos queríen más, y asina Sergio y Xuacu metíense na semifinal del III Abiertu Llacón Internacionalista, lluego de les dures clasificatories. Xuacu cayía na semifinal contra Marcos (LNB), pero Sergio aprucía na final depués de vencer a Reyes (LNB). Asina, na gran carrera cabera pol llacón taba l'implacable Espor[a] Sergio que s'imponía a Marcos (LNB) y llevaba'l llacón pa Xixón. Rematábase una xornada y una temporada histórica pa Espor d'Asturies y pal Conceyu Nacional de Liriu nesti primer añu de camín.
![](https://blogger.googleusercontent.com/img/b/R29vZ2xl/AVvXsEjigausK56qd1TqCktOqyryXPdGXapt0as460yQVMI0JwScSKfyfKqA0GdrmazOl-C_DH-rusXhueqsLkmu6jojAb2HQLAXC9Fd9RgRVImovB893yrbTux09z7U7qPnI8wmV5Go9qpWMpKH/s320/dsc_0971+%28Modificada+en+Editor+d%27im%C3%A1xenes+GIMP%29.jpg)
¡ YÁ NAGUAMOS POL II CAMPIONATU ASTURIANU DE LIRIU !
1 comentario:
Norabona, campeones.
Publicar un comentario