El día de San Xuan, Espor[a] llevó los Xuegos Tradicionales a Noreña. Na Foguera entamada pola A. F. M. "Villa y Condáu de Noreña", delles espores xerminaron averando la actividá física tradicional a nuevos y vieyos.
![](https://blogger.googleusercontent.com/img/b/R29vZ2xl/AVvXsEgFB8DI5ld06sxgf1kwdaNgs1qzhsFFwqX3yNfkLZgmcL3pBbzgoBjcjhSpTGmOh-8st29CDQDZGNZpf6knj1Tm2aUSQj4CqXWJHndbgFg0XmV5XCfXiYfYWPclliTa66jFflNPFD_qStiB/s320/5249_1181023287021_1271364184_497358_3849005_n.jpg)
Esti martes nel práu la foguera alredor de 80 neñes y neños de toles edaes tuvieron la posibilidá de participar del espor tradicional y esfrutar con cerca d'una docenina xuegos de lo más variao, amosando asina la bayurosa cultura física d'esti país.
- Dexabolu
- Pasabolu
- Tiru al palu
- Llanzamientu de Barra Asturiana
- Liriu (CNL)
- Liriu por equipos
- Carrera de Panoyes
- Carrera de Llecheres
- Cuatro Esquines
- Pañuelu
- y otros xuegos de siempre.
![](https://blogger.googleusercontent.com/img/b/R29vZ2xl/AVvXsEi4Vyq4k_M-Km8me_qlj0pEHd8FCiKCqbsmWAOlXd2xjZbvd8nvdAvxX6cwK-d-ZYMjgMTT5pR8s9QQnYGVfY4Wzc7-sLZnZ4jtOWl7WdMbghIDMZDYqerUVNN9Y2eyOHo7_kcW7HgFkNMW/s320/5249_1181026167093_1271364184_497387_6422258_n.jpg)
Dende Espor[a] queremos agradece-y a la A. F. M. "Villa y Condáu de Noreña" esti apueste decidíu pola dignificación y l'espoxigue de los XUEGOS Tradicionales xugaos y non d'escaparate. y pol so compromisu pa cola cultura d'Asturies. Asinamesmo, Espor d'Asturies queda a la so disposición pa tomar otra vuelta les cais del Condáu de Noreña.
Espor[a] vuelve amosar el so caracter polifacéticu participando nos díes 9, 10, 11 y 12 del mes de Xunetu, nel "Encuentro Internacional de Juegos Tradicionales" que se cellebrará n'Aranda de Duero (Burgos). L'Espor d'Asturies va conquistar Castiella a güelpe de liriu y machorra.
No hay comentarios:
Publicar un comentario